O‘zbekiston Islom akademiyasi tayanch doktorantura, doktorantura va mustaqil izlanuvchilikka qabul e’lon qiladi.

O‘zbekiston Respublikasi Prezidentining 2017 yil 15 dekabrdagi “O‘zbekiston Islom akademiyasini tashkil etish chora-tadbirlari to‘g‘risida”gi 3433-sonli qarori ijrosiga muvofiq, respublikada faoliyat olib borayotgan oliy va O‘rta maxsus diniy ta’lim muassasalarini yuqori malakali ilmli kadrlar bilan ta’minlash, tayyorlanayotgan mutaxassislarning ilmiy va kasbiy salohiyatini oshirish, qur’onshunoslik, hadisshunoslik, tafsir va fiqh, kalom ilmi yo‘nalishlari bo‘yicha yetuk ilmiy va ilmiy pedagog kadrlarni tayyorlash maqsadida O‘zbekiston Islom akademiyasi tayanch dok­torantura, doktorantura va mustaqil ilmiy izlanuvchilar uchun tanlov e’lon qiladi.

Islom tarixi va manbashunosligi, qur’onshunoslik, hadisshunoslik, tafsir va fiqh, kalom ilmi, ilohiyot yunalishlaridagi fan sohalarida ilmiy tadqiqot ishlarini olib borish istagi bo‘lgan nomzodlar Toshkent shahri, O‘zbekiston Milliy universiteti, «V» bino, 2-qavatda joylashgan O‘zbekiston Islom akademiyasiga murojaat qilishlari mumkin.

Hujjatlar 2018 yilning 20 fevraliga qadar qabul qilinadi.

O‘zbekiston Islom akademiyasi Ilmiy kengashining 2018 yil 25 yanvardagi 1-sonli yig‘ilishi qaroriga muvofiq tayanch doktoranturaga tanlov imtihonlari 2018 yil fevral oyi oxiriga qadar o‘tkaziladi.

O‘zbekiston Islom akademiyasi ma’muriyati

Murojaat uchun manzil: 100174, Toshkent shahri,
Universitet ko‘chasi, 4-uy. O‘zMU. «V» bino,
2-qavat. Tel.: (0-371) 227-15-48.

O‘MI Matbuot xizmati