Iordaniyadagi “Sabil Hayr” jamg'armasi 22 yildan buyon muhtojlar, kambag'allar va yo'lovchi musofirlarga taom tarqatish bilan shug'ullanadi.
“Reuters” xabariga ko'ra, jamg'arma kuniga 3500 dan 4000 gacha taom tayyorlab, ro'zadorlar sayohatchilar va yo'lovchilarga etkazib beradi. Bu xayriya ishlari Ma'an ahlining xayr-ehsonlari hisobidan amalga oshiriladi.
“Sabil Ma'an” shirkati mas'uli Mahmud Abu Solihning aytishicha, ro'zador ziyoratchi va yo'lovchilarga iftorlik xayriya qilish odati yuzlab yillar davomida ota-bobolardan meros bo'lib kelmoqda.
Abu Solih ta'kidlashicha, ba'zan Allohdan ajru savob umidida bevalar, etimlar, hatto bolalar ham ehson ishlariga o'z hissalarini qo'shganlar.
Falastinlik umra ziyoratchisi Naja Muhammad Abu Hadra jamg'arma haqida bunday deydi: “Biz Saudiya chegarasida iftorlik qilishni niyat qilgandek. Ammo og'iz ochish mahali Ma'an shahriga to'g'ri keldi. Ma'an ahlidan Alloh rozi bo'lsin, bizni iliq qarshi olib, iftorliklar berishdi. Bundan juda mamnun bo'ldik. Ular g'oyatda saxovatli kishilar. Barcha mehmonlar qatori men ham Iordaniya xalqiga minnatdorchilik bildiraman.
O'MI xodimi I.Ahmedov tayyorladi
Mir Arab oliy madrasasida O‘zbekiston musulmonlari idorasi Buxoro viloyati vakilligi tomonidan ma’naviy-ma’rifiy tadbirlar o‘tkazildi.
Tadbirlar doirasida O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining “Inson qadri” kitobi taqdimoti bo‘lib o‘tdi. Unda inson qadrini ulug‘lash g‘oyasining jamiyat ma’naviy hayotidagi ahamiyati ta’kidlandi.
Shuningdek, 2025 yilda diniy soha vakillari faoliyati yuzasidan sarhisob yig‘ilishi o‘tkazilib, sohadagi islohotlar, ustuvor vazifalar va kelgusi rejalar muhokama qilindi.
Tadbir yakunida ma’naviy-ma’rifiy sohada faollik ko‘rsatgan bir qator soha vakillari taqdirlandi.
O‘zbekiston musulmonlari idorasi
Matbuot xizmati