Ziyoratchilarimiz Makkai mukarramada
O‘zbekistonlik ziyoratchilar Madinai munavvara shahrida barcha ibodat va ziyoratlarni mukammal ado etishdi. Jumladan, besh mahal namozni Rasululloh (s.a.v.)ning muborak masjidlarida o‘qishga harakat qilishdi. Shuningdek, Baqi’ qabristoni, Uhud tog‘i etagidagi Hazrati Hamza va boshqa sahobalarning qabrlarini ziyorat qilishdi. Fazilatli “Qubo” va “Qiblatayn” masjidlarida namoz o‘qib, duoi xayrlar qilishdi.
Yurtimiz ziyoratchilari kecha erta sahardan zamonaviy avtobuslarga chiqib, Makkai mukarrama tomon yo‘l olishdi. Oppoq ehromlari singari yuzlaridan nur taralib turgan hamyurtlarimiz «Zulhulayfa» miyqotida umra uchun niyat qilib, ehromga kirishdi. Yo‘l davomida guruh rahbarlari ularga haj amallari to‘g‘risida ma’lumotlar berishdi. Ular Makka shahridagi hashamatli “Abrojul Hidoya” mehmonxonasida katta ehtirom bilan kutib olindi. So‘ngra, guruh rahbarlari ishtirokida umra ibodatini ado etishdi. Quyida, hamkor shirkatimiz “Al-hidoya” mas’ullari va ishchi guruh xodimlari tomonidan Makka shahriga yetib kelgan dastlabki guruh ziyoratchilarini kutib olish jarayoni aks etgan videolavhani namoyish etamiz.
Makka shahridan
Haj-2017 ishchi guruhi.
-------------
Muslim.uz portalining ijtimoiy-tarmoqlardagi sahifalari:
Telegram: https://telegram.me/joinchat/BO0aAj0jjw0GT5rhPph8OQ
Telegram: https://telegram.me/joinchat/BO0aAjzDeqY_uXAnXN38lQ
Facebook: https://www.facebook.com/muslimuzportal/
Facebook: https://www.facebook.com/movarounnahr.nashriyoti/
Instagram: https://www.instagram.com/muslimuzportali/
Twitter: https://twitter.com/muslimuzportal
VKontakte: https://vk.com/public143947833
Fikr.uz: http://fikr.uz/blog/muslimuz
----
www.muslim.uz | http://muslim.uz/
www.mp3.muslim.uz | http://mp3muslim.uz/
www.savollar.muslim.uz | http://savollar.muslim.uz/
Qabul jarayonida murojaatlarga amaliy yechim berildi
#xabar #murojaat #qabul
O‘zbekiston musulmonlari idorasi rahbariyati tomonidan aholi bilan o‘tkazilayotgan ochiq va samimiy muloqotlar fuqarolarning muammolarini bartaraf etishda muhim omil bo‘lmoqda. Har bir murojaatga alohida e’tibor qaratilishi natijasida ko‘plab masalalar joyida va ijobiy hal etilmoqda.
Xususan, bugun, 1 iyul kuni O‘zbekiston musulmonlari idorasi raisining birinchi o‘rinbosari Homidjon domla Ishmatbekov navbatdagi fuqarolar qabulini o‘tkazdi. Muloqot davomida imom-xatiblar faoliyati, haj va umra ziyoratlari, diniy ta’lim tizimi, oilaviy munosabatlar hamda moddiy yordamga oid murojaatlar ko‘rib chiqildi.
Qabulda oilaviy masalalar yuzasidan kelganlarga shar’iy yechimlar va zarur maslahatlar berilgan bo‘lsa, moddiy yordam so‘ragan fuqarolarga belgilangan tartibda amaliy ko‘mak ko‘rsatildi.
Bunday e’tibor va g‘amxo‘rlikdan yurtdoshlarimiz mamnunligini bildirishdi. Zero, Rasululloh sollallohu alayhi va sallam: "... Kim birodarining hojatini ravo qilsa, Alloh uning hojatini ravo qiladi. Kim bir musulmonning tashvishni aritsa, Alloh uning Qiyomat kunidagi tashvishlaridan birini aritadi", deb marhamat qilganlar (Imom Buxoriy rivoyati).
Shu kabi qabul jarayonlari har haftaning chorshanba kuni O‘zbekiston musulmonlari idorasining barcha hududiy vakilliklari va jome masjidlarida imom-domlalar tomonidan muntazam ravishda o‘tkazib kelinmoqda.
O‘zbekiston musulmonlari idorasi
Matbuot xizmati
