O‘zbekiston musulmonlari idorasi Namangan viloyati vakilligi rahbariyati Davlatobod tumanida aholi vakillari bilan muloqot uyushtirdi.

Unda bir jamiyatda yashayotgan insonlar o‘zaro tinch-totuv, hamjihatlikda yashashga buyurilgani, oxirgi vaqtlarda ana shu mehr-oqibat va o‘zaro hurmat rishtalarini paydo qiladigan, ularni yanada mustahkam bo‘lishiga sabab bo‘ladigan fazilatlarni keng yoyish juda ham zarur bo‘layotgani hayotiy misollar asosida aytildi.

Qur’oni karim va hadisi shariflarda ilmga, kasb-hunarga targ‘ib qiluvchi ko‘rsatmalar keltirilib, ota-ona farzandiga elu yurt uchun kerakli bo‘ladigan hunar va foydali ilmlarni ham o‘rgatishi lozimligi eslatildi. Bu osoyishta hayotni qadrlab, shukronalik tuyg‘ulari bilan yashashga e’tibor qaratildi.

Shuningdek, viloyat bosh imom-xatibi Musoxon domla Abbosiddinov dinimiz ta’limotlarida ota-onaga hurmat, komil inson fazilati, har bir ishda mo‘tadillik, isrofdan saqlanish, riyokorlik, kibr illatidan yiroq bo‘lish, ko‘r-ko‘rona taqlid, zulm kabi gunohlardan saqlanishga chaqirdi. 

O‘zbekiston musulmonlari idorasi

Matbuot xizmati