Kunlik suv iste'moli inson uchun 2 litrni tashkil qiladi. Iftorlikdan saharlikkacha shu suvni ichishga intiling. Iftorlikda bir piyola suvga asal qo'shib iste'mol qiling.

Saharlik paytida gazli ichimliklar, konserva, qattiq qovurilgan taomlarni tanovul qilmaslik, achchiq va sho'r mahsulotlar hamda xonim kabi xamirli taomlarni cheklashga intilganingiz ma'qul.

Saharlik dasturxoni oqsil va uglevodlarga boy taomlardan iborat bo'lishi kerak. Ma'lumki, go'sht mahsulotlari 16 soat davomida hazm bo'ladi.

 Qaynatilgan tuxum va sut mahsulotlari qorinni to'q tutish xususiyatiga ega. Shuning uchun ham ayrim insonlar saharlikda qaymoq eyishni afzal bilishadi.

Hurmo tanovuli esa organizmga quvvat bag'ishlaydi, sababi bu meva tarkibida uglevod, kletchatkalar, kaliy va magniy moddalari bisyor. 

Shifokor Zuhriddin Bahriddinov