Bugun 7 sentyabr kuni Yer yuzi aholisi astronomik hodisalardan biri – to‘liq Oy tutilishini kuzatishlari mumkin.

Oy tutilishi Toshkent vaqti bilan soat 20:28ga to‘g‘ri kelishi kutilmoqda.

Oy tutilishida Oy butun tutilish davomida ko‘rinib turadi. Faqat Oy soya ichida harakatlana boshlaganda u qizg‘ish – jigarrang tusda ko‘rinadi.

Rasululloh sollallohu alayhi vasallam: "Quyosh va oy Alloh taoloning oyat mo‘jizalaridandir. Ular biror kishining o‘limi sabab tutilmaydi. Agar ular tutilsa, toki ochilib ketgancha namoz o‘qinglar va duo qilinglar", deganlar (Imom Buxoriy rivoyati).

Demak, oy tutilganda har bir kishi o‘zi yolg‘iz namoz o‘qib, Alloh taolo duoi xayrlar qilsa Nabiy alayhissalomning sunnatlariga ergashgan bo‘ladi.

Davron NURMUHAMMAD