1. Uyg‘onishga ishonch komil bo‘lsa, Vitr namozini kechaning oxirgi qismida o‘qish.

Jobir roziyallohu anhudan rivoyat qilinadi. Rasululloh sollallohu alayhi vasallam: “Kim kechaning oxirida tura olmaslikdan qo‘rqsa, uning avvalida Vitr o‘qisin. Albatta, tungi namoz shohid bo‘lingandir. O‘sha afzaldir”, dedilar (Imom Muslim, Imom Termiziy rivoyati).

2. Birinchi rakatda “A’la”, ikkinchi rakatda “Kafirun”, uchinchi rakatda “Ixlos” surasini zam qilish.

Abdulaziz ibn Jurayj roziyallohu anhudan rivoyat qilinadi: “Oisha roziyallohu anho onamizdan Rasululloh sollallohu alayhi vasallam Vitr namozida qanday suralarni o‘qishlarini so‘radik”. U kishi: «Birinchi rakatda “Sabbihisma Robbikal a’la”ni, ikkinchi rakatda, “Qul yaa ayyuhal kaafirun”ni, uchinchi rakatda “Qul huvallohu ahad” va “Mu’avvazatayni”ni o‘qir edilar», dedilar (Imom Abu Dovud rivoyati).

3. Vitr namozidan so‘ng ushbu tasbehni aytish:

“Subhaanal malikil quddus, subhaanal malikil quddus, subhaanal malikil quddus, Robbil malaaikati var-ruh”

“Malik va Quddus sifatli Alloh pokdir”.

«Rasululloh sollallohu alayhi vasallam salom berganlaridan keyin “Subhaanal malikil quddus”ni uch marta aytar va uchinchisida ovozlarini ko‘tarar edilar» (Imom Nasoiy, Imom Abu Dovud rivoyati).

4. Ushbu duoni o‘qish:

Hazrat Ali roziyallohu anhu aytadilar: «Rasululloh sollallohu alayhi vasallam vitrlarining oxirida, salom berganlaridan keyin:

“Allohumma inni a’uzu birizoka min saxotika va bimu’afaika min uqubatika va a’uzu bika minka. La uhsi sanaan alayka anta kama asnayta ala nafsika”

“Allohim, albatta, men Sening roziliging ila g‘azabingdan, ofiyating ila uqubatingdan, panoh tilamayman. Senga maqtovni sanay olmayman. Sen O‘zing O‘zingni qandoq maqtasang shundoqsan”, deb aytardilar (Imom Abu Dovud rivoyati).
 

Davron NURMUHAMMAD