Sahobai kirom roziyallohu anhum hasadchining tiynatini sharhlab: “Bunday insonni hech bir narsa bilan qanoatlantirib bo‘lmaydi”, degan ekanlar.

Muoviya roziyallohu anhu bunday deganlar: “Hasadchidan tashqari har qanday odam bilan kelishib, rizolashishga muvaffaq bo‘ldim. Ammo hasadchi inson to kishiga Alloh tomonidan ato etilgan ne’mat yo‘qolmagunicha rozi bo‘lmaydi”.

Shuningdek, quyidagi satrlarni Imom Shofe’iyga tegishli ekanini aytadilar: “Har qanday adovat gulxani so‘nar, illoki hasaddan bo‘lsa, hech qachon!”.

Oqil kishilar yana “Hasadchilar bilan yaxshi munosabat o‘rnatish uchun qilingan urinish behuda, chunki buning aslo iloji yo‘q”, deydilar. Ular aytganlarki: “Hasadchini ko‘nglini olaman, deb ovora bo‘lma, axir u sening yaxshi munosabatingni hech qachon qabul qilmaydi. Uning zararidan omonda bo‘lishni istasang, ahvolingni undan yashirgin: yutuq va shodliklaringni ko‘rsatma!” .

“Axloqus solihiyn” (Yaxshilar axloqi) kitobidan
Yo‘ldosh Eshbek, Davron Nurmuhammad
tarjimasi.