Ibn Umar roziyallohu anhumodan rivoyat qilinadi. Rasululloh sollallohu alayhi vasallam: 

"Bir banda: "Ya Robbi lakal hamdu kama yanbag‘i lijalaali vajhika va a’zimi sultonik" dedi. Bu narsa ikki farishtaga(savobini yozish) qiyin bo‘ldi. Savobini qanday yozishni bilmay qoldilar.

Allohning xuzuriga ko‘tarilib: "Yo Robbimiz bir bandang bir so‘zni aytdi, uni qanday yozishni bilmayapmiz" deyishdi.

Alloh bandasining aytganini bilguvchi bo‘lsada: "Bandam nima dedi?" dedi. Ikki farishta bandang: "Ya Robbi lakal hamdu kama yanbag‘i lijalaali vajhika va a’zimi sultonik", dedi.

Alloh taolo ikkisiga: "U kalimani bandam aytganidek yozib qo‘yaveringlar, Menga yo‘liqqanda O‘zim mukofotini beraman" dedi (Ibn Moja rivoyat qilgan).

Alhamdulillah, alhamdulillah kama yanbag‘i lijalaali vajhika va a’zimi sultonik....