Sayt test holatida ishlamoqda!
20 Avgust, 2026   |   7 Rabi`ul avval, 1448
search icon
Avvalgi sayt
ЎЗ РУ EN AR

Toshkent shahri
Tong
04:10
Quyosh
05:37
Peshin
12:26
Asr
17:15
Shom
19:19
Xufton
20:41
Bismillah
20 Avgust, 2026, 7 Rabi`ul avval, 1448
Avvalgi sayt
#search
 YouTube

Ajdodlarimiz merosidan yangi bir durdona – “Musnadi Shoshiy” asari o‘zbek tilida nashr etildi

05.12.2025   18115   2 min.
Ajdodlarimiz merosidan yangi bir durdona – “Musnadi Shoshiy” asari o‘zbek tilida nashr etildi

#Musnad #Haysam #Kulayb #Shoshiy #Hadis

Hadis ilmiga oid qadimiy manbalardan biri – mashhur muhaddis, Movarounnahr ulamolaridan, hofiz, imom Haysam ibn Kulayb Shoshiy (vaf. 947) qalamiga mansub “Musnad” asari ilk bor arab tilidan o‘zbek tiliga tarjima qilinib, nashr etildi.

Asarga O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining, Fatvo markazi ulamosi Muhammad Ayyub domla Homidovning hamda Rajab Toyyib Erdo‘g‘on universiteti ilohiyot fakulteti, hadisshunoslik kafedrasi professori Doktor Yavuz Ko‘ktoshning taqrizlari olingan.

Ushbu asar faqat tarjima bo‘libgina qolmay, balki tadqiq va tahqiqdir. Kirish qismida Haysam ibn Kulayb Shoshiy rahimahullohning hayoti va ilmiy merosi, so‘ngra “Musnadi Shoshiy” asarining yagona qo‘lyozma nusxasi haqida ma’lumotlar berilgan.

Tarjima qo‘lyozma nusxadan foydalanilgan holda nashr etilgan zamonaviy nashrlar asosida amalga oshirilgan. Tarjimada hadis roviylari mavzularga ajratilib, dastlab arab tilidagi matn, so‘ng uning o‘zbek tilidagi tarjimasi berilgan. Jumlalar o‘zbek tilidagi ifodasi ravon va tushunarli shaklda bayon qilingan. Kerakli o‘rinlarda izoh va sharhlar keltirilgan.

Asar ilmiy va keng kitobxonlar uchun ham muhim manba bo‘lib, uni soha mutaxassislari, talabalardan tashqari oddiy kitobxonlar, hadis ilmiga qiziquvchilar ham qiynalmasdan o‘qib, tushuna oladilar. Bu esa tarjimaning qiymatini, tarjimonning mahoratini ko‘rsatib beruvchi jihatlardan biridir.

Alloh taolo ushbu yangi nashrni O‘zi qabul aylab, barcha uchun manfaatli qilsin!

Rasululloh sollallohu alayhi va ’alaa olihi vasallam bunday dedilar: “Rostgo‘ylikni lozim tuting. Chunki rostgo‘ylik ezgulikka boshlaydi, ezgulik esa jannatga boshlaydi. Kishi faqat rost gapiraversa, Allohning huzurida rostgo‘y deb yozila di. Yolg‘ondan saqlaning. Chunki yolg‘on fisq-fujurga boshlaydi, fisq-fujur esa do‘zaxga boshlaydi. Kishi yolg‘on gapiraversa, Allohning huzurida kazzob deb yozilib qoladi” (“Musnadi Shoshiy” asaridan).

 

O‘zbekiston musulmonlari idorasi
Matbuot xizmati

Ajdodlarimiz merosidan yangi bir durdona – “Musnadi Shoshiy” asari o‘zbek tilida nashr etildi Ajdodlarimiz merosidan yangi bir durdona – “Musnadi Shoshiy” asari o‘zbek tilida nashr etildi
Boshqa maqolalar
Yangiliklar

Diniy ta’lim sohasida ilk bor Respublika anjumani bo‘lib o‘tadi

19.08.2026   15552   1 min.
Diniy ta’lim sohasida ilk bor Respublika anjumani bo‘lib o‘tadi

Joriy yilning 19-20 avgust kunlari O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani Islom sivilizatsiyasi markazida bo‘lib o‘tadi.

Davlatimiz Rahbari tomonidan har jabhada olib borilayotgan yangilanish va islohotlarga hamohang tarzda Diniy idora tarixida ilk bor o‘tkazilayotgan ushbu tadbirda jami 700 nafar pedagog va soha mutaxassisi, jumladan, 300 nafar ishtirokchi bevosita anjuman zalida, 400 nafar ishtirokchi esa hududlardan videoselektor orqali qatnashadi.

Anjumandan ko‘zlangan maqsad sohadagi istiqbolli rejalarni muhokama qilish, diniy ta’limda pedagogik va kasbiy mahoratni oshirish, ta’lim jarayoniga zamonaviy texnologiyalarni yanada keng tatbiq etish hamda diniy ta’limni yangi bosqichga olib chiqishdir.

Dastur doirasida soha rahbarlari ishtirokida tahliliy ma’ruzalar, taniqli professorlar tomonidan mahorat darslari, ilmiy-metodik mashg‘ulotlar bo‘lib o‘tadi. Shuningdek, ishtirokchilar O‘zbekiston musulmonlari idorasi, Islom sivilizatsiyasi markazi bilan yaqindan tanishib, Hazrati Imom majmuasidagi tarixiy qadamjo va obidalarni ziyorat qilishadi.

O‘zbekiston musulmonlari idorasi Matbuot xizmati

O'zbekiston yangiliklari
#logo