Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

عَنْ أَبِي بَكْرَةَ رَضِي اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: دَعَوَاتُ الْمَكْرُوبِ: اللَّهُمَّ رَحْمَتَكَ أَرْجُو فَلَا تَكِلْنِي إِلَى نَفْسِي طَرْفَةَ عَيْنٍ وَأَصْلِحْ لِي شَأْنِي كُلَّهُ لَا إِلَهَ إِلَّا أَنْتَ. رَوَاهُ أَبُو دَاوُدَ وَابْنُ حِبَّانَ.

Abu Bakra roziyallohu anhudan rivoyat qilinadi. Rasululloh sollallohu alayhi vasallam: "Mushkuli borning duosi «Allohim! Rahmatingdan umidvorman. Meni ko‘z ochib-yumguncha ham o‘zimga tashlab qo‘ymagin. Mening barcha ishlarimni O‘zing o‘nglagin. Sendan o‘zga iloh yo‘qdir", dedilar (Abu Dovud va Ibn Hibbon rivoyat qilganlar).

Sharh: Boshiga mushkul tushgan kishilar ushbu duoni ixlos bilan o‘qib tursalar, Alloh taolo ularga kushoyish berishi bor.

«Hadis va hayot» kitobining 35-juzi