Kobul shahrida bo‘lib o‘tgan "Imom Burhoniddin Marg‘inoniy ilmiy merosining zamonaviy islomshunoslikdagi o‘rni va mavqei" mavzusida xalqaro konferensiya doirasida O‘zbekiston delegatsiyasi Afg‘onistonning mahalliy hokimiyat organlari hamda ilmiy-madaniy muassasalari rahbarlari bilan ham muhim uchrashuvlar o‘tkazdi.

Jumladan, G‘azni, Maydon-Vardak, Balx viloyatlari rahbarlari hamda Afg‘oniston Fanlar akademiyasi bosh direktori bilan rasmiy muloqotlarda ijtimoiy-iqtisodiy, madaniy-gumanitar va ilmiy aloqalarni rivojlantirish masalalari muhokama qilindi.

Uchrashuvlar yakunida do‘stlik ramzi sifatida o‘zaro esdalik sovg‘alari almashildi.

Shuningdek, mezbonlar tomonidan Afg‘oniston Fanlar akademiyasi kutubxonasi, Etnografiya muzeyi, Abu Rayhon Beruniy, Sanoi G‘azni, Mahmud G‘aznaviy, qadimiy minoralar, tarixiy obidalar hamda Mozori Sharif shahridagi hazrati Ali maqbarasiga ziyoratlar tashkil etildi. Imom Buxoriy madrasasi qurilishi bilan tanishildi.

Shu bilan O‘zbekiston delegatsiyasining Afg‘onistonga safari yakuniga yetdi.

O‘zbekiston musulmonlari idorasi Matbuot xizmati