24 Октябр, 2026, 13 Жумадул аввал, 1448
24 Октябр, 2026, 13 Жумадул аввал, 1448
Усмонхон АЛИМОВ – 1950 йили Самарқанд вилоятининг Иштихон туманида туғилган. Бухородаги “Мир Араб” мадрасасида, Имом Бухорий номидаги Тошкент Ислом олий маъҳадида таҳсил олди. Кўп йиллар Самарқанд вилоятидаги “Имом Бухорий” жоме масжидида имом-хатиб бўлиб ишлади. 1989–1990 йиллари Марокашдаги Қаравиййин дорилфунунида ўқиди. 2000–2006 йиллари Ўзбекистон мусулмонлари идорасининг Самарқанд вилоятидаги вакили бўлиб хизмат қилди. 2006 йил 8 августда Ўзбекистон мусулмонлари идораси раиси, муфтий этиб сайланди. Усмонхон Алимовнинг “Орлотда акс этган тарих”, “Долзарб саволларга ҳақзарб жавоблар”, “Ҳаётбахш маънавий мерос”, “Имом Бухорий – муҳаддислар султони”, “Имом Бухорий баракоти”, “IX–XI асрларда Самарқандда калом илмининг ривожланиши”, “Ёшлар – келажагимиз”, “Ҳазрати Имом (Ҳастимом)”, “Расулуллоҳ (алайҳиссалом)нинг муборак васиятлари” (9 та китоб), “Сўраган эдингиз” туркумидаги рисолалари, “Оилада фарзанд тарбияси” (3 та китоб), “Илмнинг фазилати”, “Истиқлол шарофати”, “Хайр-эҳсон фазилатлари”, “Гўзал одоб – фарзанд камоли” каби асарлари нашрдан чиққан. Нажмуддин Насафийнинг “Ал-Қанд фи зикри уламои Самарқанд” номли машҳур асарини араб тилидан ўзбекчага таржима қилган. Муфтий ҳазрат Қуръони карим маъноларини таржима ва тафсир қилиб, “Тафсири ирфон” номида чоп эттирмоқда.
Тошкент Ислом университетининг фахрий фан доктори Усмонхон Алимов 2012 йили нуфузли халқаро ташкилот – Ислом олами уюшмаси (Робита) Таъсис мажлисининг аъзоси бўлди.
Жанубий Кореянинг етакчи “The Korea Post” нашрида Ўзбекистон сайёҳлик соҳасидаги ютуқларига бағишланган мақола эълон қилинди, деб хабар бермоқда “Дунё” АА.
Мақолада келтирилган маълумотларга кўра, жорий йилнинг январь-август ойларида Ўзбекистонга 9,1 миллиондан ортиқ хорижий сайёҳ ташриф буюрган бўлиб, бу кўрсаткич ўтган йилнинг мос даврига нисбатан 21,1 фоизга кўпдир. Бунда Мустақил Давлатлар Ҳамдўстлиги мамлакатлари билан ҳамкорлик муҳим ўрин тутиши таъкидланиб, хусусан, Россиядан келган сайёҳлар оқими 30,8 фоизга (деярли 868 минг киши), Озарбайжондан эса 63,3 фоизга (22 минг киши) ошгани қайд этилган.
Шунингдек, Москвадаги “MITT-2026” кўргазмасида ўтказилган B2B учрашувлар, “Қозон – Тошкент” авиарейсининг йўлга қўйилгани ҳамда Ўзбекистон ва Озарбайжон томонидан 2025 йилда Франкфурт, Вена, Цюрих, Будапешт, Прага ва Барселона шаҳарларида ташкил этилган “Highlights of the Silk Road” европача роуд-шоулари алоҳида тилга олинган.
Нашрда қўшни давлатлар билан ҳамкорлик масалаларига ҳам кенг ўрин берилган. Хусусан, Ўзбекистон, Қирғизистон ва Тожикистон томонидан 2026–2027 йилларда туризм соҳасида ҳамкорлик дастури лойиҳаси тайёрлангани, шунингдек, чегаралардан ўтишнинг соддалаштирилган механизми бир нечта давлат бўйлаб саёҳат қилишни янада қулайлаштираётгани ёзилган.
Мақола якунида Президент Шавкат Мирзиёевнинг Осиё тараққиёт банки Бошқарувчилар кенгашининг Самарқанд шаҳрида бўлиб ўтган 59-йиллик мажлисида илгари сурган “Марказий Осиё туристик ҳалқаси”ни яратиш ташаббуси алоҳида таъкидланган.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 