Bugun, 16 sentyabrda O'zbekiston musulmonlari idorasi tasarrufidagi o'rta maxsus islom ta'lim muassasalariga kirish imtihonlari bo'lib o'tmoqda. Test jarayonlarini Davlat test markazi olib bormoqda.
Ayni paytda yurtimizdagi mavjud 10 ta madrasadan 8 tasida, ya'ni Qoraqalpog'istondagi “Muhammad al-Beruniy”, Andijondagi “Sayyid Muhyiddin Maxdum”, Namangandagi “Hidoya”, Buxorodagi “Mir arab” va “Jo'ybori kalon”, Horazmdagi “Faxriddin ar-Roziy”, Surxondaryodagi “Imom Termiziy”, Qashqadaryodagi “Hoja Buxoriy” o'rta maxsus islom ta'lim muassasalarida bo'lib o'tmoqda.
Toshkentdagi “Ko'kaldosh” va “Hadichai Kubro” o'rta maxsus islom bilim yurtlarida esa imtihon o'tkazilgani yo'q. Ularda imtihon ertaga, 17 sentyabrda bo'lib o'tadi.
Eslatib o'tamiz, O'zbekiston musulmonlari idorasi tasarrufidagi o'rta maxsus islom ta'lim muassasalarida 2020-2021 o'quv yili bo'yicha quyidagi fanlardan qabul imtihonlari o'tkaziladi:
- 1-blok “Chet tili” 30 ta savol, har bir to'g'ri javobga 3.2 ball beriladi, jami 96 ball;
- 2-blok “Tarix” 30 ta savol, har bir to'g'ri javobga 3.1 ball beriladi, jami 93 ball.
Qabul imtihonlari test sinovi shaklida o'tkaziladi.







Madrasalarga qabul imtihonlari tafsilotini saytimizda kuzatib boring.
O'zbekiston musulmonlari idorasi Matbuot xizmati
Bismillahir Rohmanir Rohiym
Buyuk muhaddis Imom Termiziy rahimahullohning ushbu asari – Rasululloh sollallohu alayhi vasallamning muborak hayotlari, go‘zal axloqlari va siyratlarini o‘rganishga bag‘ishlangan.
Ulug‘bek domla Nasriddin o‘g‘li,
Mir Arab o‘rta maxsus va oliy madrasasi mudarrisi.