Bugun, 11 sentyabr' kuni Muslim TV jamoasi tomonidan Toshkent shahri “Hazrati Ali” jome masjididagi juma namozi, mav'izasi internet va ijtimoiy tarmoqlar orqali uzatiladi. Ushbu jome masjid imom-xatibi, fazilatli olim Salohiddin domla Sharipovning juma suhbatlaridan bahramand bo'lishga taklif etamiz.
Ayni damda mo'min-musulmonlarimiz jomelarga juma namozini ado etish uchun oshiqishmoqda, imom-domlalarning fayzli suhbatlari va xushovoz qorilarning tilovatlaridan baxramand bo'lishadi.
Barcha jomelarda belgilangan karantin qoidalari asosida jamoatni qabul qilishga tayyorgarlik ishlari olib borildi. Binolarni tozalash, dezinfektsiya ishlari, ijtimoiy masofa saqlash uchun maxsus belgilar va boshqa zaruriy choralar ko'rildi. O'z navbatida mo'min-musulmonlardan ham karantin qoidalariga rioya etish, ayniqsa, tibbiy niqob taqish va ijtimoiy masofani saqlashga alohida e'tibor qaratishni iltimos qilamiz.
Toshkent shahri “Hazrati Ali” jome masjididagi juma namozi va mav'izasini quyidagi linklar orqali to'g'ridan-to'g'ri kuzatishingiz mumkin.
Youtube: MuslimTV
Facebook: MuslimUz
O'zbekiston musulmonlari idorasi Matbuot xizmati
Yurtimizda muhtaram Prezidentimiz rahbarligida muborak Ramazon oyini munosib kutib olish va ko‘tarinki ruhda o‘tkazishga har yili alohida e’tibor qaratilayotgani barchamizni behad quvontirmoqda. Bu yilgi tabrik va murojaatlarda Ramazon oyining asl mohiyati – inson qadrini ulug‘lash, mehr-muruvvat va saxovatni keng yoyish, jamiyatda ahillik va hamjihatlik muhitini yanada mustahkamlash kabi ezgu g‘oyalar ustuvor ekani ta’kidlandi.
Bugun Ramazon nafaqat ibodat oyi, balki jamiyatda ezgulik, bag‘rikenglik va insonparvarlik tamoyillari yanada mustahkamlanadigan muhim ma’naviy palla sifatida namoyon bo‘lmoqda.
Tajriba va kuzatishlar shuni ko‘rsatdiki, dunyo amaliyotida Ramazon oyini munosib o‘tkazishga doir davlat darajasida alohida qaror qabul qilinishi kam uchraydi. Yurtimizda esa bu masalada tizimli yondashuv yo‘lga qo‘yilgani muborak oyning mohiyatini chuqur anglab, uning yuksak insoniy qadriyatlar asosida o‘tkazilishidan dalolat beradi. Ayniqsa, bu yilgi Ramazon munosabati bilan ilgari surilgan tashabbuslarda «Inson qadri uchun!» degan ezgu tamoyilning amaliy ifodasi yaqqol ko‘zga tashlanmoqda.
«Ramazon – mehr-muruvvat, ahillik va shukronalik oyi» shiori ostida qabul qilinayotgan qaror va tashabbuslarda Ramazon oyini saxovat, hamjihatlik oyiga aylantirish, muhtojlar, bemorlar, nogironlar va faxriylarga mehr-muruvvat ko‘rsatish kabi ezgu g‘oyalar mujassam. Bu esa Ramazonni ham ibodat, ham ijtimoiy qo‘llab-quvvatlash oyi sifatida tarannum etishga xizmat qilmoqda.
Abdug‘ofur domla Razzoqov,
Buxoro viloyati Kogon tumani “Bahouddin Naqshband” jome masjidi imom-xatibi