Sayt test holatida ishlamoqda!
09 Aprel, 2026   |   20 Shavvol, 1447
search icon
Avvalgi sayt
ЎЗ РУ EN AR

Toshkent shahri
Tong
04:32
Quyosh
05:54
Peshin
12:30
Asr
17:02
Shom
19:00
Xufton
20:16
Bismillah
09 Aprel, 2026, 20 Shavvol, 1447
Avvalgi sayt
#search
 YouTube

Dolzarb savolga tezkor javob. Karantinda ayol-qizlar bilan jamoat bo‘lib, peshin o‘qish joizmi? Taroveh namozi-chi?

15.04.2020   4020   1 min.
Dolzarb savolga tezkor javob. Karantinda ayol-qizlar bilan jamoat bo‘lib, peshin o‘qish joizmi? Taroveh namozi-chi?

O‘zbekiston Musulmonlari idorasi raisining birinchi o‘rinbosari Homidjon Ishmatbekov.

“Karantin holatida juma kuni oila a’zolari bilan peshinni jamoat bo‘lib o‘qish mumkin. Hozirda masjidlarimiz karantin sababli yopilgani uchun juma namozining o‘rniga uyda peshin namozi o‘qilmoqda.

Ammo, juma namozi masjidlarda o‘qilgan vaqtlarda uzrli va uzrsiz kishilarning uyda peshinni jamoat bo‘lib o‘qishlari makruhdir. Chunki, bunda jumaning jamoatini kamaytirish va buyruqqa qarshi yo‘l tutish bor.
Karantin holatida esa ahli ayoli va farzandlari bilan peshinni jamoat bo‘lib o‘qishda jumaning jamoatini kamaytirish ham, buyruqqa qarshi yo‘l tutish ham yuz bermaydi. Zero, mo‘min-musulmonlarning jonini omon saqlash uchun karantin e’lon qilingan va shu sabab juma namozining o‘rniga peshin namozi o‘qilmoqda.

Shu o‘rinda Taroveh namoziga ham izoh berib o‘tish joiz, ortiqcha tushunmovchiliklar bo‘lmasligi uchun. Taroveh namozini karantin vaqtida masjidda ado qilish imkoniyati bo‘lmagani bois, uyda yolg‘iz ado etish ham joiz. Lekin xonadon ahli bilan jamoat bo‘lib ado qilish afzaldir. Taroveh namozida ham imomdan tashqari bir kishi bo‘lsa, jamoat bilan ado qilingan bo‘ladi”.

Sayyora Shoyeva, O‘zA

Boshqa maqolalar
Yangiliklar

"Imom Termiziy" bilim yurti bitiruvchilari ishga taqsimlandi

08.04.2026   12104   1 min.

Shu yilning 8 aprel kuni "Imom Termiziy" o‘rta maxsus islom ta’lim muassasasida bitiruvchi kurs talabalarining kelgusi faoliyati va ishga taqsimotiga bag‘ishlangan tadbir tashkil etildi. Unda O‘zbekiston musulmonlari idorasining mas’ul xodimlari Abdunosir Bobomirzayev, Muhammadyahyo Xodjayev hamda Dilmurod Rahimov ishtirok etdi.


Ta’lim muassasasi direktori K.Islamov hamrohligida mehmonlar dastlab o‘quv jarayonlari, dars sifati va talabalar bilimini oshirishga qaratilgan metodik yondashuvlar bilan yaqindan tanishdilar. Shundan so‘ng bitiruvchi kurs talabalari bilan yuzma-yuz muloqot o‘tkazildi. Uchrashuv davomida bo‘lajak mutaxassislarga ularning ishga taqsimoti, faoliyat boshlaydigan masjid va muassasalardagi vazifalari hamda kasbiy mas’uliyati yuzasidan atroflicha ma’lumot berildi.


Tashrif yakunida mutaxassislar tomonidan ta’lim sifatini yanada oshirish, tarbiyaviy ishlarni kuchaytirish hamda talabalar uchun sharoitlarni takomillashtirish bo‘yicha muhim tavsiyalar bildirildi. Ma’lumot o‘rnida aytish joizki, 2025-2026 o‘quv yilida mazkur ta’lim muassasasini 24 nafar talaba tamomlab, diniy-ma’rifiy sohada o‘z xizmat faoliyatini boshlash arafasida turibdi. 

“Imom Termiziy” O‘MITM

Matbuot xizmati

O'zbekiston yangiliklari
#logo