Joriy yilning 1 noyabr kuni “Xadichai Kubro” ayol-qizlar o‘rta maxsus islom ta’lim muassasasida amerikalik mutaxassislar ishtirokida ilmiy-amaliy anjuman va “Talabalar ilmiy jamiyati” bo‘lib o‘tdi. Anjumanning 1-qismida  ta’lim muassasasi direktori, falsafa doktori Nozima Ibragimova tomonidan Institute of Global Engagement qoshidagi “Center of Women, Faith and Leadership”ning 2019 yilgi dasturi doirasida amalga oshirilgan loyiha bo‘yicha nutq so‘zlandi. Unda Nozima Ibragimova “The pride of Uzbek women” mavzusida taqdimot qildi. So‘ng qisqa tanaffus uyushtirilib, mehmonlarga ta’lim muassasasi talaba qizlari ishtirokida mavlid oyi munosabati bilan go‘zal nashidalar kuylandi. Tanaffusda amerikalik mehmonlar ta’lim muassasasi bo‘ylab sayohat qildilar. Talabalar bilan jonli suhbatda bo‘ldilar.

Anjumanning 2-qismida “Talabalar ilmiy jamiyati” bo‘lib o‘tdi. Unda 11 tatalaba qizlar ishtirokida din va ma’naviyat uyg‘unligi haqida, xususan, “Wisdom in Islam”, “The Religious Tolerance in Uzbekistan” kabi mavzularda taqdimot asosida nutq so‘zladilar. Shundan so‘ng, mehmonlar o‘zbek taomlari va an’analaridan bahramand bo‘ldilar. Bu uchrashuv va anjuman juda mazmunli va esda qolarli bo‘ldi. Mehmonlar va talaba qizlarda katta taassurot qoldirdi.

 Ma’naviy-ma’rifiy ishlar bo‘yicha

direktor o‘rinbosari Zaynab Komiljonova