Ulamolarimiz: "Biror hududda masjid barpo etilsa, shu masjidning barakasi butun aholiga tatiydi. Shu yerga fayz, unum va baraka inadi", deyishgan. 

Qo‘shko‘pir tumanida joylashgan “Xazrati Eshon bobo” jome masjidini qaytadan qurish uchun tamal toshi qo‘yilgan edi. Bugun, mazkur masjidning yangi binosi qurilishiga ilk g‘isht qo‘yish marosimi bo‘lib o‘tdi.

Unda Xorazm viloyat bosh imom-xatibi Xayrulla domla Abdullayev va tumandagi imom-xatiblar, mutasaddilar, mahalla faollari va nuroniy otaxonlar ishtirok etdi.

Yangi jome tez orada mo‘min-musulmonlar ixtiyoriga topshirilishini Alloh taolo nasib etsin. Bu xayrli ishga hissa qo‘shayotganlardan Robbimiz rozi bo‘lsin!

O‘zbekiston musulmonlari idorasi Matbuot  xizmati