O‘zbekiston musulmonlari idorasi jamoasi Toshkent shahar Shayxontohur tumani «Oqilon» jome masjidi imom-xatibi Ne’matulla domla Ismoilovning volidai muhtaramasi vafoti munosabati bilan ta’ziya bildiradi.

Alloh taolo marhuma onaxonni O‘z mag‘firatiga olsin, imonlarini, solih amallarini o‘zlariga hamroh qilsin. Oxiratlarini obod etib, joylarini Firdavs jannatlaridan qilsin!

Haq taolo marhuma onaxonning ortidan qolgan farzandu arjumandlari va yaqinlariga chiroyli sabr berib, bu musibatlari o‘rnini yaxshiliklar ila to‘ldirsin. Buyuk Parvardigor onaxonni O‘zining cheksiz rahmatiga olsin, jannat bog‘lariga doxil etsin.

Inna lillahi va inna ilayhi roji’un!
«Albatta, biz Allohnikimiz va albatta, biz U Zotga qaytuvchimiz».

Janoza namozi bugun, 23 oktyabr kuni juma namozidan so‘ng Toshkent shahridagi “Chimir ota” jome masjidida o‘qiladi.

O‘zbekiston musulmonlari idorasi