Shayx Sha’roviy aytadilar:

"Yo‘lda chumolini ko‘rsangiz, uni bosib ezg‘ilamang va bu bilan Allohning rizoligini istang. Shoyat, unga rahm qilganingiz uchun Alloh sizga ham rahm qilsa.

Ko‘lmakda suv ichayotgan qushni yonidan o‘tsangiz, uni cho‘chitib yubormang va shu ishingiz bilan Allohning rizosini niyat qiling. Shoyat, Alloh taolo sizni qiyomatning qo‘rqinchidan omon qilsa.

Agar yo‘lingizda mushuk bolasini yotganini ko‘rsangiz, uni olib yo‘lning chetiga chiqarib qo‘ying va shu ishingiz bilan Allohdan ajr umid qiling. Shoyat, Alloh taolo sizni yomon holatda o‘lishdan saqlasa.

Agar ortgan taomni tashlamoqchi bo‘lsangiz, uni turli jonivorlar yeb ketishini niyat qiling va bu amalingizdan Allohning ajrini umid qiling. Shoyat, Alloh taolo sizga o‘ylamagan yeringizdan rizq ato etsa.

Agar yozda havo harorati haddan tashqari isib ketsa, biror idishga suv solib qushlar ichib salqinlashlari uchun xonangiz derazasi oldiga qo‘ying va bu ishingizni savobini Allohdan umid qiling. Shoyat, Alloh taolo sizni qiyomatdagi chanqoqlikdan saqlasa.

Shuni unutmangki, Alloh taolo tashna bir itga suv bergan zinokor ayolni barcha gunohlarini mag‘firat etgan".