Ey, menga yetgan shiddatli g‘amlar,
Keting, kelmoqda tong otar damlar.

Hashamat, dabdaba va isrof bilan yashayotganlar hayotiga havas qilmang, chunki ularning voqeliklari juda ayanchli va xursand bo‘ladigan emas. Ular maqsadlari nafslari va shahvatlari uchun isrof qilish bo‘lgan, bor kuchlarini rohatlanish uchun sarflaydigan, halol yoki haromligiga qiziqib ham o‘tirmay lazzatlanishga intiladigan insonlardir. Ular baxt-saodat ichida emas, balki g‘am-tashvish ichidalar. Chunki Alloh belgilab qo‘ygan chegaradan chiqib ketgan va U zotga osiylik qilib yurgan insonlar hech qachon baxtni topa olmaydi.

Isrofgar va dabdabavoz insonlar baxt-saodat ichida deb aslo o‘ylamang. Ba’zi kambag‘al, oddiy hayot ichida yashayotgan insonlar qasrlarda ipak matolarga burkanib yashayotganlardan ko‘ra baxtli bo‘ladi. Chunki faqir bo‘lsada ibodatli va soliha mo‘mina ayol osiy ayoldan ko‘ra baxtliroqdir.

Shu’la: Baxt-saodat o‘zingizga bog‘liq, shuning uchun bor harakatingizni, o‘zingizni to‘g‘irlashga qarating.

Doktor Oiz al-Qarniyning
"Dunyodagi eng baxtli ayol" kitobidan