Ўзбекистон элчиси Улуғбек Розуқулов Индонезия Миллий кутубхонаси директори Муҳаммад Шариф Бандо билан музокаралар ўтказди. Унда икки мамлакат миллий кутубхоналари ўртасида ҳамкорликни йўлга қўйиш масаласи муҳокама қилинди.
Мулоқот чоғида шу йил апрель ойида кутубхонанинг катта кино залида Абу Али ибн Синога бағишланган "Шарқдан нур" ҳужжатли фильми бир ҳафта давомида Индонезия жамоатчилиги намойиш этилади.
Шунингдек, Индонезия томони ўзбек мутахассислари Имом ал-Бухорий, Баҳоуддин Нақшбандий, Ал-Хоразмий, Аҳмад Ал-Фарғоний ва Муҳаммад Ал-Мотуридий ҳаёти ва ижодига бағишланган инглиз тилида қатор махсус вебинарлар ўтказиш истагини билдирди.
Маълумот учун, Индонезия миллий кутубхонаси 1980 йилда ташкил этилган. Китоб фонди 23 миллион донага яқин босма нашр ва 4 миллиардга яқин электрон нашрларга эга. Мамлакат қонунига кўра, кутубхона директори вазир мақомига эга.
Ўзбекистон мусулмонлари идораси матбуот хизмати
Бисмиллаҳир Роҳманир Роҳийм
حدثنا عيسى بن أحمد العسقلاني أنا النضر نا هشام عن حماد عن أبي وائل عن ابن مسعود أو غيره من أصحاب النبي صلى الله عليه وسلم أنه قال: ”إن الله تعالى إذا أحب عبدا ابتلاه فمن حبه إياه يمسه البلاء كيما يسمع صوته.
Ибн Масъуд розияллоҳу анҳу ёки Набий соллаллоҳу алайҳи ва ъалаа олиҳи васалламнинг бошқа саҳобаларидан ривоят қилинади. У зот алайҳиссалом: “Аллоҳ таоло бир бандасини яхши кўрса, уни синовга учратади. Бандасига бўлган муҳаббати туфайли бандасининг овозини эшитиш учун бало етади”, дедилар.
Абу Саид Ҳайсам ибн Кулайб Шошийнинг
“Муснади Шоший” асаридан
Даврон НУРМУҲАММАД таржимаси