Sayt test holatida ishlamoqda!
08 Iyun, 2026   |   21 Zulhijja, 1447

Toshkent shahri
Tong
03:06
Quyosh
04:50
Peshin
12:27
Asr
17:36
Shom
19:58
Xufton
21:35
Bismillah
08 Iyun, 2026, 21 Zulhijja, 1447

Taroveh namozlari onlayn translyatsiya qilinadi

26.05.2017   11903   1 min.
Taroveh namozlari onlayn translyatsiya qilinadi

Ramazon oyi davomida portalimizning Facebook ijtimoiy tarmog‘idagi muslim.uz (https://www.facebook.com/muslimuzportal/) sahifasi orqali poytaxtimizning bir qator masjidlaridagi taroveh namozlari tarovati va qorilarimizning Qur’on tilovatlarini onlayn yoritib borish amalga oshiriladi.

Endi Siz Ramazon oyi davomida, har kecha, yurtimizning ko‘zga ko‘ringan, xushnafas qorilari tilovatidan, bizning Facebook ijtimoiy tarmog‘idagi sahifamiz va telegram messenjeridagi @muslimuzportal kanali orqali bahramand bo‘lib borishingiz mumkin.

Bugun Taroveh namozini Toshkent shahrining markaziy masjidi bo‘lgan “Hazrati Imom” jome masjididan,  Facebook ijtimoiy tarmog‘imizdagi https://www.facebook.com/muslimuzportal/ sahifasi orqali onlayn translyatsiya qilamiz.

Shuning bilan birgalikda, dastlabki bosqichda bugun Toshkent shahridagi “Mirza Yusuf”, “Minor”, “Shayx Zayniddin”, “Xo‘ja Alambardor”, “To‘xtaboy”, “Mo‘yi muborak” hamda Toshkent viloyati Zangiota tumanidagi “Zangi ota”, Samarqand viloyatidagi “Imom Buxoriy”, Farg‘ona viloyatidagi “Madrasai Mir”, Buxoro viloyatidagi “Bahovuddin Naqshband” jome masjidlaridan Taroveh namozlari va xatmi Qur’on onlayn translyatsiya qilinadi. Ushbu jome masjidlarning ijtimoiy tarmoqlardagi sahifalari manzili va boshlanish vaqti haqida keyinroq ma’lumot beramiz.

Demak, bizni kuzatishda davom eting. Hali oldinda, Siz uchun bir-biridan ajoyib mega loyihalar tayyorlab qo‘yganmiz.

O‘zbekiston musulmonlari idorasi

axborot xizmati

MUSLIM.UZ

Boshqa maqolalar
Maqolalar

Yoshligimni saqlab qoldim

08.06.2026   1030   1 min.
Yoshligimni saqlab qoldim

Bismillahir Rohmanir Rohiym

Doktor Muhammad Rotib Nobulsiy aytadi: «Damashqlik ustozim 97 yoshda bo‘lsa-da, tetik, ko‘zlari ravshan, hatto tishlari ham soppa-sog‘ edi. U kishidan buning sababini so‘raganimda:“Yoshlikda a’zolarimni gunohlardan asragandim, qariganimda ham Alloh taolo ularning xizmatidan mahrum etmadi”, deb javob berdi».

Alloma Tabariy rahimahulloh 70 yoshida ham qayiqdan sakrab tushardi. U kishini ko‘rganlar: “Buncha kuch-quvvat qayerdan?” deb so‘rashganida, ustoz: “Biz a’zolarimizni yoshligimizda gunohlardan saqlagan edik, qariganimizda esa Alloh taolo ularni biz uchun saqlab qoldi”, dedi.

Hasan Basriy rahmatullohi alayh 90 yoshdan oshgan bo‘lsa-da, dalada ishlardi. Buni ko‘rganlar: “Hali ham yosh yigitdek mehnat qilasiz. Bunga qanday erishgansiz?” deb so‘rashdi.

Hasan Basriy rahimahulloh: “Men yoshligimni saqlab qoldim, Alloh esa keksaligimni saqlab qoldi”, dedi.

“Yoshligini saqladi” degan iboradan zinodan uzoq bo‘lish tushuniladi. Chunki zino umrni qisqartiradi.

Rasululloh sollallohu alayhi vasallam: “Ko‘z ham zino qiladi. Ko‘zning zinosi (nomahramga) qarashdir”, deganlar (Imom Buxoriy rivoyati).

Davron NURMUHAMMAD

Maqolalar